 |
| Potret Anak - anak berbaju kerawang Gayo (Baju adat masyarakat Gayo). | Editor : Hidayat sabirun. |
METRO GAYO | ACEH TENGAH – Pemerintah Kabupaten Aceh Tengah urum masyarakat Gayo berkomitmen kuet iwan mulestarinen edet urum budaya lokal.
Rencana ini i anggap penting kati generasi mude tetap mumahami akar budaya, bangga urum identitas Gayo iwani berkembangen modernisasi.
Salah satu e langkah kebijakan wajib ber bahasa Gayo urum ber baju tradisional Kerawang jeb hari Kamis. Kebijaken ini berlaku ken seluruh pegawe negeri, pelejer, urum masyarakat i Kabupaten Aceh Tengah.
Munurut Bupati Aceh Tengah, kebijaken ini bertujuen ken munanomen rasa kepedulien urum bangga terhedep warisen budaya leluhur sejak dini. “Generasi mude turah mubeteh sahan dirie urum ari si asale. Budaya nume hanya simbol, tetape bagien ari kehidupen sehari-hari,” kene Bupati.
Selaen kebijaken pemerintah, bewene prosesi edet tetap i jelenen iwan kehidupen masyarakat Gayo.
Salah satu e si maseh lestari adalah upacara “Anak Ku Tengku Guru”, sebuah tradisi si biasae i bueten i sekulah sebagai bagien ari pendidiken awal siswa. Upacara ini munejer nilai-nilai edet urum muhormati guru, jema tue sebagai penjege ilmu urum tradisi.
Dan nume oya pelen, festival budaya i aranen secara ruten ken perkenalen seni urum budaya Gayo ku masyarakat lues. Contohe Festival Lagu Gayo 2025 mujadi ajang generasi mude ken menuruh kemampuen iwan bernyanyi, munari, urum menuruhen karya seni tradisional Gayo.
Kegiaten lomba bahasa urum seni tradisional ini pe i aran ken punguet kebanggaen masyarakat terhedep bahasa urum budaya gayo.
Petue edet urum masyarakat berharap bewene pihak, muloi ari kekanak mude hinge jema tue, bewene aktef iwan mujege urum mulestarinen budaya Gayo.
We (petue) munekanen budaya gere hanya ken sekadar kenangen i masa lalu, tetape turah lanyut urum berkembang i tengah perubahan jemen.
Selain oya pemerintah urum masyarakat, lembaga pendidiken berperan penting. Sekulah-sekulah i Aceh Tengah muloi munayon pelejeren bahasa Gayo urum nilai-nilai edet kuwan kurikulum. Hal ini i maksut eger kekanak nguk mumahami identitas gayo muloi dini urum munerusen tradisi ku generasi berikute.
Munurut petue masyarakat setempat, mulestarinen budaya Gayo gere hanya ken soal pakaian urum bahasa, tetape nilai-nilai moral urum sosial. Nilai si lagu gotong royong, muhormati jema tue, urum menjege lingkungen tetap mujadi bagien penting ari tradisi Gayo. Dengan lagu noya, budaya Gayo gere hanya mujadi simbol, tetape ken pedoman murip si enguk i terapen Iwan kehidupen sehari-hari.
i tengah era globalisasi urum modernisasi, usaha pelestarien budaya Gayo ini mujadi contoh ken daerah len ne. Masyarakat urum pemerintah i harapen kompak eger budaya lokal tetap murip urum mujadi kebanggaen generasi seteruse. Dengan arae dukungen bewene pihak, budaya Gayo tetap lestari, nume hanya i Aceh Tengah pelen, tetape juga i beteh lues i Indonesia urum dunie.